ATA SEMPRE!!!

Queridos alumnos/as e compañeiros/as, desde hoxe este blog non fará máis publicacións, toca despedirse e iniciar unha nova etapa, agora máis relaxada. Foi un pracer compartir con todos vos estes anos de traballo, experiencias e publicacións.

Aínda que non se publique o blog seguirá aberto, e os enlaces, na medida do posible, actualizados por se lle pode servir de axuda a alguén, igual que a min me serviu de gran axuda o traballo de tantos/as compañeiros/as que compartiron as súas experiencias.

Moitísimas grazas! Unha forte aperta!

Ata sempre!!!

Alba Castro interpretando ao violín "Alabama"

A alumna de terceiro Alba Castro, que empezou este curso a tocar o violín, explicou aos seus compañeiros algunhas cousas importantes do instrumento e fíxonos unha demostración dos seus progresos.

Xogando. cantando e tocando en Infantil

O alumnado de infantil cantando e tocando todos xuntos na clase de música.

Noraboa nenos e nenas!!! Conseguístelo!!!

Ritmos reciclados en 4º, 5º e 6º

Seguindo coas actividades de música e reciclaxe, buscámoslle unha utilidade aos vellos CD e DVD. 

Con rotulador permanente escribimos esquemas rítmicos que logo interpretamos de varios xeitos: de catro pulsos, de oito pulsos, seguindo unha determinada orde, percutindo no mesmo disco... os máis atrevidos incluso lle puxeron unha base de rap.

Obradoiro de Ecopercusión 2023

Un ano máis o alumnado de 5º e 6º participou no obradoiro de "Ecopercusión" (percusión con materiais de reciclaxe) a cargo do profesor Didier Díaz. 

Como podedes comprobar pasárono xenial ao mesmo tempo que reforzaron a temática do PDI "Protexo o meu planeta! Protéxome eu!", tamén podemos facer música Reciclando, Reutilizando e Reducindo. 

Un desfile de modelos. Entroido 2023

Este ano estivemos celebrando o entroido converténdonos por uns minutos en modelos, improvisando os nosos propios modelos, pases e poses ao ritmo da música. 

A música utilizada foi "It`s raining men", na versión de Geri Halliwell.

A fotógrafa Sara, foi a encargada de inmortalizar estes divertidos momentos.

Como pudestes comprobar, non fai falta ter un bo disfraz, podemos improvisar con calquera cousa para disfrazarnos e pasalo ben. Tamén é un xeito de contribuír a "Protexer o noso planeta", como di o lema do PDI que traballamos este curso.

Día da Paz 2023. Canción "O Progresso"

Recuperamos neste día unha canción xa moi antiga, pero que transmite unha mensaxe que actualmente é aínda máis necesaria recordar que cando foi un éxito aló polos anos 70.

A pesar do tempo que xa pasou desde aquela, ven moi ben para conmemorar esta data, tendo en conta ademais, que este curso estamos traballando un PDI que titulamos "Protexo o meu planeta" Protéxome eu!".

Titúlase "O Progresso", do cantautor brasileiro Roberto Carlos.

Ímola cantar en portugués, pola similitude que ten coa nosa lingua. Traballando así o plurilingüismo.

Deíxovos a versión oficial, e unha versión coa letra para que a aprendades.

 

 

Xa chegou o Nadal 2022. A bailar un pouco

Ademáis de cantar e tocar tamén e unha boa ocasión para bailar.

Imos intentalo con esta selección de cancións de Nadal. Algunhas son moi faciliñas e outra un pouco máis complicadas, pero iso non é impedimento para intentalo e pasalo ben.

Así que ánimo,  agora todos a bailar!!! 

 

🎄🎅 Clicando neste enlace aínda podedes atopar máis🎄🎅

Xa chegou o Nadal 1º, 2º

En segundo estivemos repasando as figuras rítmicas que nos quedaran un pouco olvidadas do curso pasado, e en primeiro estamos empezando a coñecelas. Así que imos a practicar ritmos con música de Nadal.

Xa chegou o Nadal 3º, 4º

En terceiro e cuarto estivemos repasando ritmos que xa coñeciamos de cursos pasados e aprendendo outros un pouco máis difíciles , así que imos acompañar estas melodías navideñas con eles. 

Se vos animades podedes tamén intentar as propostas feitas para 5º e 6º.

Xa chegou o Nadal 5º, 6º

Recordades que estivemos probado a aplicación online "Xylo", coa que podiamos converter o noso portátil, tablet, teléfono nun xilófono? Pois imos probar outra vez a acompañar estas tres melodías navideñas cos nosos xilófonos. 

 

 

Se queredes probar máis visitade a páxina BOOMY TUNES

25 Novembro "Día Internacional da Eliminación da Violencia contra as Mulleres"

O día 25 de novembro para conmemorar o "Día Internacional da Eliminación d Violencia contra a Muller" cantaremos todos xuntos a canción "A porta violeta" de Rozalén, na versión que fai conxunta con "Tanxugueiras" co retrouso en galego, a que se incorpora tamén a Lingua de Signos.

Aquí queda o vídeo coa música, e o retrouso:

 

 

Retrouso

 

Samaín 2022

Xa chega o Samaín e como o curso pasado imos traballar unha selección de varias audicións musicais acompañadas con ritmos, esta selección está feita pola profesora de música Nerea Seijoso. 

E aínda imos engadir algunhas novidades máis, para que sexa un Samaín de medo!!!

 

 

Agora imos, nunca mellor dito, "a mover un pouco o esqueleto", con esta selección de cancións:

 

 

 

Aínda hai máis:

• Ritmos coa familia Addams
• Ritmos con "Un poco loco" da película "Coco"
  
• Ritmos de Samaín I
• Ritmos de Samaín II
  
• Ritmos cos Cazafantasmas   
• Ritmos cos Cazafantasmas acompañados de palillos chinos 
• O ritmo envenedado do Samaín
  
• Para os máis pequenos: "La brujita Tapita" 

E para os que queiran máis, deíxovos unha selección de obras clásicas, aínda que un pouco máis serias que as anteriores, tamén nos poden dar moito medo. 

🎃Comprobádeo! 🎃

🎃Pasarédelo de meeeeedo!🎃

Benvida ao curso 2022-2023

Benvidos un curso máis nenos e nenas, despois de dous anos duros por circunstancias de sobra coñecidas, espero que neste curso podamos retomar a actividade habitual da clase de música; xa na nosa aula: cantando, tocando, bailando e xogando coa música. 

Déixovos como saúdo esta animación creada coa "Danza das horas" do compositor Ponchielli.

Despedimos o curso 2021-2022

Parece que hai pouco que comezamos un novo curso e xa estamos rematando outra vez. Foi un curso duro, ademais dos cambios nos nosos hábitos a causa da pandemia tivemos que soportar ruídos, cambios de aulas, cheiro a pintura, cambios de patios... debido as obras da reforma do colexio (que por certo está quedando ben bonito, parece outro!!!).

Pois ben, ímonos despedir bailando e con alegría. Non sen antes aproveitar para darvos a noraboa polo ben que o fixestes un ano máis.

Noraboa rapaces! 

E agora todos a bailar!