martes, 15 de enero de 2019

Marcha Radeztky pola Paz

Este ano celebraremos o Día da Paz con música clasica, ao ritmo da coñecida Marcha Radeztky de J. Strauss.
Animádevos a intentar acompañala con percusións corporais, levando o ritmo da marcha ao tempo que repetimos un texto alusivo á celebración.
Deixovos un video co que podedes aprender as percusións corporais e o texto que tendes que intentar repetir ao mesmo tempo.



sábado, 24 de noviembre de 2018

O pasado día 21 asistimos no auditorio de Afundación a un concerto didáctico "El mágico planeta de los instrumentos insólitos" a cargo do dúo Fetén Fetén formado por Diego Galaz e Jorge Arribas, nomeados músicos internacionais. Neste espéctaculo os nenos e nenas emprenderon unha marabillosa viaxe a través dos ritmos e melodías da música popular española. Trasmitíndolles valores sobre a reciclaxe, a pobreza, a imaxinación e a importancia de coñecer as nosas tradicións; usando algúns dos instrumentos máis incribles da historia da música como o violín trompeta, a serra musical,as frautas feitas de ósos de animais, o theremín (único instrumento que se toca sen tocar), ou a frauta cadeira de camping.

lunes, 1 de octubre de 2018

"A trompeta", Darío Vidal Salgueiro, 5ºA

Tal e como nos prometera a finais do curso pasado, Darío Vidal Salguerio de 5ºA explicounos as características da trompeta, instrumento de vento-metal; seguida dunha interpretación de varias pezas. Pasámolo moi ben adiviñando que pezas tocaba, e foi unha magnífica introdución para e empezar a estudar a clasificación dos instrumentos.
Moitas grazas Darío, e moito ánimo para seguir así de ben.

domingo, 30 de septiembre de 2018

Benvida a curso 2018-2019

Ola rapaces! Xa outra vez aquí, e como cada novo curso quérovos dar a benvida cunha canción. Esta vez coa canción "Get back up again" ("Levantareime") da banda sonora da película de animación "Trolls" interpetrada por Anna Kendrick, que nos deixa unha mensaxe cargada de positividade para empezar con forza o novo curso. Ánimo que pasa pronto.

miércoles, 30 de mayo de 2018

viernes, 11 de mayo de 2018

"A trompa", Laura Arribas López, 3ºB

Esta semana o alumnado de 3ºB pudo ver en directo e coñecer un pouco máis un instrumento de vento-metal, a trompa, grazas as explicacións e a interpretación da compañeira Laura Arribas López. 
Ademais todos os compañeiros que quixeron puideron probar a tocar a trompa baixo as súas pacientes instrucións. 
Moitas grazas Laura e animámoste a que sigas así de ben.

domingo, 22 de abril de 2018

"Ecopercussion", obradoiro de percusión con 5º e 6º

O alumnado de 5º e 6º participou os días 19 e 20 nun obradoiro de percusión "Ecopercussion" co profesor Didier Díaz, que como indica o nome do obradoiro trátase de facer percusión ecolóxica con materiais reciclados: bidóns de pintura, cazolas, botes baleiros recheos con sementes ou area, paus...
Rematados os obradoiros todo o alumnado de 5º e 6º demostrounos o aprendido cunha gran batucada que tivo lugar no patio do colexio.
No video tendes un pequeno resumo da actividade.

miércoles, 18 de abril de 2018

"A frauta traveseira", Candela Argibay, 5ºA

Esta semana na clase de 5ºA tivemos a sorte de asistír a un breve concerto en directo, interpretado pola compañeira Candela Argibay Acebedo , que tivo a ben explicarnos con todo detalle as partes dunha frauta traveseira e ademais interpretar tres pezas. Aínda que os nervios ás veces xogáronlle algunha mala pasada comprobade que airosa supo saír da situación. Moitas grazas e moito ánimo para continuar así de ben.

jueves, 12 de abril de 2018

"Na procura do tesouro". Alumnado de 3º e 4º

O pasado día catro o alumnado de 3º e 4º asistiu a un concerto didáctico de música tradicional "Na procura do tesouro",  interpretado polo Gaiteiros da Xistra; no que puideron observar: como a través da música podemos manifestar os nosos sentimentos, como a música pode servir de apoio en certos traballos, algúns instrumentos tradionais e sobretodo a importancia da axuda e colaboración dos nosos amigos para axudarnos a conseguir os nosos soños.
Aquí vos queda un pequeno resumo do espectáculo.

sábado, 3 de febrero de 2018

Explicación "O acordeón" por Saúl Mariño Recamán

En sexto curso estamos estudando a clasificación dos instrumentos, e nada mellor para coñecelos que velos e escoitalos en vivo e en directo. Gracias a Saúl Mariño Recamán de Sexto B tivemos unha moi boa explicación dun instrumento de vento sin soplido, o acordeón; acompañada dunha pequena actuación, coa promesa de que seguirá practicando e volverá a tocarnos algo moi pronto.

domingo, 14 de enero de 2018

Canción para o Día da Paz "O tren" de Andrés Do Barro

Este curso para celebrar o Día da Paz imos construír o "Tren da Paz" a carón do río Lameira, é nada mellor que unha coñecida canción galega que fala de trens e ríos "O tren" do interpréte Andrés Do Barro.
Partindo desta coñecida, noutro tempo, canción; entre o alumnado de 5º e 6º  intentaremos facer unha letra axeitada ao noso río e á celebración da data.
Aquí vos queda a versión orixinal, cantada polo devandito intérprete, que ademais foi banda sonora dunha película dirixida por Mariano Ozores en 1971 e protagonizada tamén polo cantante, titulada "En la red de mi canción".

sábado, 2 de diciembre de 2017

Espectáculo de percusión "Circopeta", co grupo Odaiko

O día 1 de decembro os nenos e nenas de primeiro e segundo cursos asistiron a un espectáculo de percusión titulado "Circopeta", interpretado polo grupo de percusión Odaiko. Deste xeito os máis pequenos puideron comprobar case de calquera cousa se pode facer un instrumento de percusión, e o doado que parece vendo a este grupo. 
Como todos os espéctaculos de Odaiko resultou todo un éxito entre este pequeno público.

domingo, 1 de octubre de 2017

Benvida ao novo curso

Aínda que un pouco tarde desde o blog de música dámosvos a benvida ao novo curso 2017-2018, con esta canción tan alegre "Someday" cantada por Michael Buble e Meghan Trainor, con un simpático video de animación.