Instrumentos de Percusión. A pandeireta por Uxía Sanjorge

En quinto curso, estamos coñecendo en profundidade as familias de instrumentos. O pasado xoves contamos ademais coas explicacións de Uxía Sanjorge que é unha experta pandeireteira e que nos explicou por que a pandeireta é un instrumento de percusión e como se toca en Galicia. Incluso nos ofreceu unha pequena mostra. 

Moitas grazas, Uxía! Segue así!👏👏👏🎶🎵🎶

Música dende a casa (47): Recordando algunhas cousiñas

Se estiveramos na clase normal, chegadas estas datas estariamos repasando: Linguaxe musical, ritmos, cancións, danzas, xogos musicais... Esta vez imos intentar facer un repaso a través de xogos e actividades interactivas que vos irei deixando ao longo destes días que faltan para rematar o curso.

Déixovos estes cuestionarios por cursos, pero se vos animades podedes facelos todos. 

Cando os fagades no recuadro que di "user name" debedes introducir o nome e o curso. 

5º e 6º: Que recordas dos instrumentos musicais?
5º e 6º: Completa estas definicións sobre linguaxe musical
3º e 4º: Repasando a linguaxe musical
3º e 4º: Recordas as cualidades do son?

Música dende a casa (46): Xogo cos instrumentos de percusión

Repasa xogando os instrumentos de percusión. Para que vos sexa máis fácil recoñecelos poñede o xogo en pantalla completa, clicando no símbolo da esquina inferior dereita.

 

Música dende a casa (44): Aixa Vilas de 5ºA interpreta "Habanera de Carmen"

Aixa de 5ºA, está aprendendo a tocar o piano, e como podedes comprobar xa toca así de ben. Mandounos esta peza da ópera Carmen do Bizet coñecida como "Habanera". Moitas grazas Aixa por compartir a túa arte con todos nós. 

Noraboa Aixa!!! E sigue así de ben!!! 

Música dende a casa (18): "O cuco" canta Pedro Castro de 4ºB

Pedro Castro de 4ºB canta, acompañado do tambor, unhas copliñas da cantiga "O cuco". Moi ben Pedro, sabemos que cantar e tocar ao mesmo tempo non é nada sinxelo. 
Tamén sabemos que estás aprendendo a tocar os instrumentos de percusión, así que se te animas con outra interpretación estaremos encantados de escoitarte.

"A guitarra e o ukelele" Alex, Ariadna, Sofía, Xiana de 5ºB

Estas últimas semanas estivemos traballando os instrumentos e a súa clasificación, como complemento para este traballo este grupiño de alumnos de 5ºB trouxeron os seus instrumentos de corda (guitarras e ukelele), dos que nos explicaron as súas características e interpretaron dúas coñecidas cancións. Aínda que estaban un pouco nerviosos, así de ben o fixeron.

"A frauta traveseira". Aitana Reboredo, 2º curso

Aitana Reboredo de 2º curso está aprendendo a tocar a frauta traveseira, aínda está empezando pero quixo compartir con todos nós as súas primeiras melodías, e explicarnos un pouquiño como é a frauta, como se toca, como se limpa... Fixéchelo moi ben, ánimo queda moito por practicar pero vas polo bo camiño.

O pasado día 21 asistimos no auditorio de Afundación a un concerto didáctico "El mágico planeta de los instrumentos insólitos" a cargo do dúo Fetén Fetén formado por Diego Galaz e Jorge Arribas, nomeados músicos internacionais. Neste espéctaculo os nenos e nenas emprenderon unha marabillosa viaxe a través dos ritmos e melodías da música popular española. Trasmitíndolles valores sobre a reciclaxe, a pobreza, a imaxinación e a importancia de coñecer as nosas tradicións; usando algúns dos instrumentos máis incribles da historia da música como o violín trompeta, a serra musical,as frautas feitas de ósos de animais, o theremín (único instrumento que se toca sen tocar), ou a frauta cadeira de camping.

"A trompeta", Darío Vidal Salgueiro, 5ºA

Tal e como nos prometera a finais do curso pasado, Darío Vidal Salguerio de 5ºA explicounos as características da trompeta, instrumento de vento-metal; seguida dunha interpretación de varias pezas. Pasámolo moi ben adiviñando que pezas tocaba, e foi unha magnífica introdución para e empezar a estudar a clasificación dos instrumentos.
Moitas grazas Darío, e moito ánimo para seguir así de ben.

"A trompa", Laura Arribas López, 3ºB

Esta semana o alumnado de 3ºB pudo ver en directo e coñecer un pouco máis un instrumento de vento-metal, a trompa, grazas as explicacións e a interpretación da compañeira Laura Arribas López. 
Ademais todos os compañeiros que quixeron puideron probar a tocar a trompa baixo as súas pacientes instrucións. 
Moitas grazas Laura e animámoste a que sigas así de ben.

"A frauta traveseira", Candela Argibay, 5ºA

Esta semana na clase de 5ºA tivemos a sorte de asistír a un breve concerto en directo, interpretado pola compañeira Candela Argibay Acebedo , que tivo a ben explicarnos con todo detalle as partes dunha frauta traveseira e ademais interpretar tres pezas. Aínda que os nervios ás veces xogáronlle algunha mala pasada comprobade que airosa supo saír da situación. Moitas grazas e moito ánimo para continuar así de ben.

Explicación "O acordeón" por Saúl Mariño Recamán

En sexto curso estamos estudando a clasificación dos instrumentos, e nada mellor para coñecelos que velos e escoitalos en vivo e en directo. Gracias a Saúl Mariño Recamán de Sexto B tivemos unha moi boa explicación dun instrumento de vento sin soplido, o acordeón; acompañada dunha pequena actuación, coa promesa de que seguirá practicando e volverá a tocarnos algo moi pronto.

Espectáculo de percusión "Circopeta", co grupo Odaiko

O día 1 de decembro os nenos e nenas de primeiro e segundo cursos asistiron a un espectáculo de percusión titulado "Circopeta", interpretado polo grupo de percusión Odaiko. Deste xeito os máis pequenos puideron comprobar case de calquera cousa se pode facer un instrumento de percusión, e o doado que parece vendo a este grupo. 

Como todos os espéctaculos de Odaiko resultou todo un éxito entre este pequeno público.

Concerto didáctico "Sandra e Meirol en Xistralia"

O pasado día 7 o alumnado de terceiro e cuarto asistiu a un concerto didáctico no teatro de Afundación, titulado "Sandra e Meirol en Xistralia", protagonizado polos Gaiteiros da Xistra, no que puideron ver e escoitar os instrumentos tradicionais galegos, e tamén coñecer algunhas cancións e danzas tradicionais galegas como a "Danza de espadas" adicada á "Coca" de Redondela.
Aquí vos queda un pequeno resumo do que foi o concerto.

 

Odaiko "Cousas de catro"

O próximo día 2 o alumnado do terceiro e cuarto cursos asistirá ao espectáculo de percusión do grupo Odaiko, que leva por título "Cousas de catro", como preparación na clase aproveitamos para traballar a percusión e os instrumentos de percusión, así como para falar un pouco do grupo. 

Se queredes saber un pouco máis sobre o grupo e os seus espectáculos clicade na foto para acceder á súa páxina web.

43 debuxos animados para unha orquestra sinfónica

Como despedida de curso déixovos este enganchado de cancións de debuxos animados que armou unha orquestra do Carnegie Hall. Corresponden a 43 series. A ver cantas identificades?

Bo verán a todos e repoñede forzas para o curso que ven!!!

Instrumentos de corda fretada. Explicación de Diego e Raquel. 6ºA

Este trimestre estivemos falando na clase de música das familias de instrumentos, dous alumnos de 6ºA que estudan violín tiveron a xentileza de explicarlles aos seus compañeiros as partes de que consta e como se toca; incluso se atreveron a a tocar unhas pezas. Noraboa rapaces seguide así, sabemos que non é doado tocar en público. Moitas grazas tamén á súa titora por animalos a facelo.

Os instrumentos populares galegos

Aprende xogadon as familias e nomes dos instrumentos populares galegos.

 

Concerto de percusión con Odaiko

O próximo martes 22 de xaneiro o Terceiro Ciclo iremos ao concerto para escolares do grupo de percusión galego Odaiko. Na clase xa estivemos falendo del e do tipo de música que fan. Déixovos un video do que fan e o enlace á súa páxina web para que vaides abrindo boca.

                                      
Se queredes saber máis sobre o grupo aquí vos deixo o 

enlace á súa páxina web

Repasando conceptos

Repasamos o que temos aprendido e aprendemos cousas novas