As cancións infantís dos 70 e 80

En 6º curso estivemos aprendendo a crear listas de reproducción buscando a música para ambientar a Exposición "40 Anos de Escola".
Deixamos esta lista de reproducción para que escoitedes as cancións que escoitaban de pequenos os nosos pais e avós; moitas delas xa son clásicos que seguro que coñecedes.

Homenaxe ó Himno de Eurovisión. 5º Curso

Acompañamos a famosa composición Prelude "Te Deum" de Marc Antoine Charpentier dunha coreografía creada por Jos Wuytack.  

O noso homenaxe a esta composición máis coñecida como o "Himno de Eurovisión", despois de propoñer que preguntasen aos pais, avós e familiares maiores se a coñecían e cando se escoitaba. Sen dúbida un dos signos de identidade de hai 40 anos época na que situanos o noso  Proxecto "40 Anos de Escola".

 

Homenaxe á máquina de escribir. 4º Curso

Acompañamos a composición "A máquina de escribir" de Leroy Anderson dunha improvisada máquina de escribir de cartón.

A nosa pequena homenaxe a ese útil instrumento hoxe case en desuso pero moi utilizada hai 40 anos a época na que situamos o noso Proxecto "40 Anos de Escola". Seguro que nas secretarías había algunha e era común escoitar o seu son.

Audición: Prelude "Te Deum"

En 5º curso estivemos traballando a famosa composición Prelude "Te Deum" de Marc Antoine Charpentier. Despois propuxemos como traballo para o Proxecto "40 Anos de Escola"  preguntar aos pais, avós e familiares maiores se a coñecían e cando se escoitaba. Por suposto a gran maioría identificáronna como o "Himno de Eurovisión".

Aquí vos deixo un video no que ademais de escoitar a composición podemos ver os coñecido símbolo que aparecía en TVE e a súa evolución ao longo do tempo.

Déixovos  tamén varios enlaces por se queredes saber algo máis da vida e composicións de M. A. Charpentier:

Enlace a Wikipedia

Enlace a biografía da páxina de compositores contemporáneos a J. S. Bach

Audición: "A máquina de escribir"

Os de 4º curso estivemos escoitando unha curiosa peza "A máquina de escribir", do compositor estadounidense Leroy Anderson. Falamos de como a Anderson se lle ocurrira incorporar unha máquina de escribir á interpretación da orquestra. Aquí tendes unha mostra de como o fixo.

Ademais aproveitamos para rendirlle unha pequena homenaxe a ese útil instrumento hoxe case en desuso. Unha das actividades coas que desde a clase de música participamos no Proxecto "40 Anos de Escola" que se está a desenvolver este curso no noso centro.

Se queredes saber máis sobre L. Anderson podedes visitar esta

dirección: Web oficial de Leroy Anderson

"A escola do fondo do mar". 1º B

Formando parte dos traballos do noso proxecto "40 Anos de Escola". Así imaxinaron os nenos e nenas de 1º B como podería ser unha escola no fondo do mar, e así o plasmaron neste comic. Moitas grazas á súa titora por ensaialos tan ben.

"Maio Tradicional". Alumnado de 4ºA e 6ºB

Os nen@s de 4º A guiados polos seu mestre, profudizaron nas tradicións máis antigas das Festas dos Maios en Galicia, recuperando a melodía tradicional antiga  e as coplas hexasílabas da Festa dos Maio en Marín. Distintas as que estamos acostumados, pero unha ledicia escoitalos.
Aproveitamos para dar as grazas a Dona Queta Molas, que tivo a amabilidade de ensinarnos esta melodía tradicional.

"Maio do Sequelo". Realizado polo alumnado de 4º, 5º e 6º

Os nenos e nenas de 4º, 5º e 6º cantaron "O Maio" composto coas coplas que eles inventaron na clase de música.

Cantando "O Maio 2014"

Os nenos e nenas de 4º, 5º e 6º un ano máis inventaron coplas e cantaron "O Maio".

Letra do Maio 2014

Coplas para cantar "O Maio" feitas polos nen@s de 4º, 5º e 6º. Este ano á hora de faceles tivemos en conta dedicarlle algunhas ao noso colexio no seu 40 aniversario.

Homenaxe a Gloria Fuertes. 1º Curso

No Primeiro Curso estivemos cantando e xogando con esta coñecida canción de hai case 40 anos "Un globo, dos globos, tres globos"; época na que situamos o noso Proxecto "40 Anos de Escola".
Este é o noso pequeno homenaxe  a unha importante escritora Gloria Fuertes, autora da letra  da canción.

Benvida con "Un globo, dos globos, tres globos"

Benvidos ao novo curso, este ano é especial porque o colexio cumple 40 Anos; para celebrar unha data tan importante desde a Biblioteca proponse realizar o noso primeiro Proxecto Documental Integrado, titulado "40 Anos de Ecola". Na clase de música queremos aportar o noso granciño de area desde o primeiro momento, polo que imos a empezar no Primeiro Ciclo cantando e xogando con esta coñecida canción de hai case 40 anos "Un globo, dos globos, tres globos" cabeceira dun coñecido programa infantil e coa letra dunha importante escritora Gloria Fuertes, un dos referentes da literatura infantil non só desa época senón do Século XX.
Seguro que os vosos pais e avós a recordan!!!

2012 Centenario de Celso Emilio Ferreiro

Así quixemos rendirlle homenaxe a Celso Emilio Ferreiro no ano do seu centenario.

6º B tamén se suma á homenaxe a Celso Emilio Ferreiro

Os nenos e nenas de 6º B recitaron un poema inédito de Celso Emilio Ferreiro "O atraco", e intentaron recitalo a ritmo de rap.

Debuxos inspirados na obra de Xoán Miró

Os nenos e nenas de 6º A ilustraron o poema "Cantiga de amigo para "Xoán Miró" cos seus propios debuxos inspirándose na obra Xoán Miró. Como podedes comprobar están feitos uns auténticos ¡ARTISTAS!

Seguimos coa homenaxe a Celso Emilio Ferreiro. Agora 6º A

O curso 6º A tamén se sumou a homenaxe a Celso Emilio Ferreiro na celebración do seu centenario: Recitando un o poema "Cantiga de amigo para Xoán Miró", ilustrandoo cuns debuxos feitos por eles inspirados na obra de Xoán Miró e acompañado do "Minuet" da Sonata nº 6 de Haydn.

Desde a Biblioteca do colexio: Homenaxe de 5º curso a Celso Emilio Ferreiro

Os nenos e nenas de 5º curso non quixeron ser menos que os seus compañeiros e compañeiras de 4º. Polo que tamén quixeron facerlle a súa homenaxe a Celso Emilio Ferreiro. Esta vez desde a Biblioteca do colexio. Co poema "Irmáus" e a coñecida canción de "Fuxan os Ventos" que leva o mesmo título.