"Pola unha media lúa" 2º B

Despedimos o curso co alumnado de 2º B con esta coñecida cantiga "Pola unha media lúa" con letra de Ana Mª Fernández e música de Manuel Rico Verea; para a que Martina e Saioa inventaron este acompañamento rítmico.

Homenaxe ó Himno de Eurovisión. 5º Curso

Acompañamos a famosa composición Prelude "Te Deum" de Marc Antoine Charpentier dunha coreografía creada por Jos Wuytack.  

O noso homenaxe a esta composición máis coñecida como o "Himno de Eurovisión", despois de propoñer que preguntasen aos pais, avós e familiares maiores se a coñecían e cando se escoitaba. Sen dúbida un dos signos de identidade de hai 40 anos época na que situanos o noso  Proxecto "40 Anos de Escola".

 

Homenaxe á máquina de escribir. 4º Curso

Acompañamos a composición "A máquina de escribir" de Leroy Anderson dunha improvisada máquina de escribir de cartón.

A nosa pequena homenaxe a ese útil instrumento hoxe case en desuso pero moi utilizada hai 40 anos a época na que situamos o noso Proxecto "40 Anos de Escola". Seguro que nas secretarías había algunha e era común escoitar o seu son.

Audición: Prelude "Te Deum"

En 5º curso estivemos traballando a famosa composición Prelude "Te Deum" de Marc Antoine Charpentier. Despois propuxemos como traballo para o Proxecto "40 Anos de Escola"  preguntar aos pais, avós e familiares maiores se a coñecían e cando se escoitaba. Por suposto a gran maioría identificáronna como o "Himno de Eurovisión".

Aquí vos deixo un video no que ademais de escoitar a composición podemos ver os coñecido símbolo que aparecía en TVE e a súa evolución ao longo do tempo.

Déixovos  tamén varios enlaces por se queredes saber algo máis da vida e composicións de M. A. Charpentier:

Enlace a Wikipedia

Enlace a biografía da páxina de compositores contemporáneos a J. S. Bach

Audición: "A máquina de escribir"

Os de 4º curso estivemos escoitando unha curiosa peza "A máquina de escribir", do compositor estadounidense Leroy Anderson. Falamos de como a Anderson se lle ocurrira incorporar unha máquina de escribir á interpretación da orquestra. Aquí tendes unha mostra de como o fixo.

Ademais aproveitamos para rendirlle unha pequena homenaxe a ese útil instrumento hoxe case en desuso. Unha das actividades coas que desde a clase de música participamos no Proxecto "40 Anos de Escola" que se está a desenvolver este curso no noso centro.

Se queredes saber máis sobre L. Anderson podedes visitar esta

dirección: Web oficial de Leroy Anderson

Instrumentos de corda fretada. Explicación de Diego e Raquel. 6ºA

Este trimestre estivemos falando na clase de música das familias de instrumentos, dous alumnos de 6ºA que estudan violín tiveron a xentileza de explicarlles aos seus compañeiros as partes de que consta e como se toca; incluso se atreveron a a tocar unhas pezas. Noraboa rapaces seguide así, sabemos que non é doado tocar en público. Moitas grazas tamén á súa titora por animalos a facelo.

"A escola do fondo do mar". 1º B

Formando parte dos traballos do noso proxecto "40 Anos de Escola". Así imaxinaron os nenos e nenas de 1º B como podería ser unha escola no fondo do mar, e así o plasmaron neste comic. Moitas grazas á súa titora por ensaialos tan ben.

Celebración da Festa dos Maios no colexio

Como cada ano por estas datas celebramos a Festa dos Maios, este ano tivemos tres. 

• Un feito coas coplas que inventaron todos os nen@s de 4º, 5º e 6º na clase de música; coma todos os anos.
• Outro elaborado polos nen@s de 4ºA, que contaron coa axuda do seu mestre para elaborar as coplas e cos ne@s de 6ºB para cantalas.
• Un terceiro que amablemente viñeron a cantar para nós algunhas das compoñentes do coro da Residencia da Terceira Idade de Marín. Ás que agradecemos especialmente a súa participación.

Maio do coro da Residencia da Terceira Idade de Marín.

O coro da Residencia da Terceira Idade de Marín compartiu con nós esta celebración cantando o seu maio, gustounos moito que se sumaran a nosa celebración. Desde aquí o noso agradecemento.

"Maio Tradicional". Alumnado de 4ºA e 6ºB

Os nen@s de 4º A guiados polos seu mestre, profudizaron nas tradicións máis antigas das Festas dos Maios en Galicia, recuperando a melodía tradicional antiga  e as coplas hexasílabas da Festa dos Maio en Marín. Distintas as que estamos acostumados, pero unha ledicia escoitalos.
Aproveitamos para dar as grazas a Dona Queta Molas, que tivo a amabilidade de ensinarnos esta melodía tradicional.

"Maio do Sequelo". Realizado polo alumnado de 4º, 5º e 6º

Os nenos e nenas de 4º, 5º e 6º cantaron "O Maio" composto coas coplas que eles inventaron na clase de música.

Cantando "O Maio 2014"

Os nenos e nenas de 4º, 5º e 6º un ano máis inventaron coplas e cantaron "O Maio".

Letra do Maio 2014

Coplas para cantar "O Maio" feitas polos nen@s de 4º, 5º e 6º. Este ano á hora de faceles tivemos en conta dedicarlle algunhas ao noso colexio no seu 40 aniversario.

A Festa dos Maios en Galicia

Como cada ano no mes de abril empezamos a traballar no "Maio", facendo coplas e cantando a melodía típica da nosa vila Marín. Aquí vos deixo este enlace á páxina de "Galicia espallada" para que coñezcades algo máis desta antiga festa que se celebra en distintas partes de Galicia.

Odaiko "Vaia circo"

O próximo día 19 o alumnado do terceiro ciclo asistirá ao espectáculo de percusión do grupo Odaiko, este ano o espectáculo leva por título "Vaia circo", se queredes saber un pouco máis sobre o grupo e o espectáculo clicade na foto para acceder á súa páxina web.

El Carnaval de los Animales

Aproveitando estas datas de celebración do Entroido estivemos traballando a obra de Camille Saint-Saëns "El Carnaval de los Animales". Aquí vos deixo un conto inspirado nesa obra titulado "El despertar de los animales" así como o enlace aos xogos sobre o mesmo da páxina de Musicaeduca.

Homenaxe a Paco de Lucía

A nosa pequena homenaxe desde aquí a Paco de Lucía. Considerado un xenio da guitarra a nivel internacional, aquí vos deixo a súa interpretación máis coñecida "Entre dos aguas".

Os instrumentos populares galegos

Aprende xogadon as familias e nomes dos instrumentos populares galegos.

 

Día da Paz 2014

Como cada ano o día 30 de xaneiro celebraremos o DÍA DA PAZ. A canción coa que remataremos este ano o acto cantando todos xuntos é "Verdad que sería estupendo", do grupo Cómplices.

Selección de panxoliñas con letra

Aquí vos deixo outra selección de panxoliñas tradicionais, estas en galego e coa letra por se as queredes cantar.

O video é unha lista de reprodución, se clicades na esquina superior esquerda podedes escoller a que queirades.