"Terra", Tanxugueiras. Acompañamento rítmico

Aínda que Tanxugueiras, coa súa canción "Terra",  non nos van representar no Festival de Eurovisión, si que conseguiron que a nosa música se escoite en toda España e tamén máis alá das nosas fronteiras, porque como ben di a letra da canción "Non hai fronteiras", e menos para a música.

Nós imos intentar acompañala con esta percusión para baquetas creada pola profesora de música Nerea Seijoso Rey, a quen temos que agradecer que cree estes acompañamentos tan divertidos.

 

Os máis pequenos imos intentar facelo con esta percusión corporal creada por Ricardo Imedio.

Música dende a casa (19): "Levántate Maio Marín 2020 Sequelo"

Tódolos anos, chegadas estas datas, o Ateneo Santa Cecilia convoca o seu concurso de Maios; este ano por as especiais circunstancias que vivimos non imos poder facer o maio e saír con el polas rúas da vila, pero que tal se o cantamos “dende a casa”? 

Pois ben, ahí vai a nosa proposta: “Levántate Maio Marín 2020 Sequelo".

Mandádenos un vídeo cantando unha ou dúas estrofas dunha copla dun maio. Podédelas crear vos mesmos seguindo o manual que fai uns días nos deixou o profe José Antonio na entrada da web do centro titulada “Coplas dos maios”. Ou ben se non vos atrevedes a crealas pero queredes cantalas decídenolo e dámosvolas nós. 

Tendes de prazo ata o día 28 de abril. Con todas as gravacións recibidas faremos un vídeo que ten que estar listo para saír o día 1 de maio.

Recórdovos os correos para envialas sequelonacasa@gmail.com ou mglealgonzalez@gmail.com.

Para aprender a melodía, deixamos este audio cantado fai uns anos por un grupiño de nenos e nenas, algunhas aínda están no cole e outras xa se foron.

Música dende a casa (18): "O cuco" canta Pedro Castro de 4ºB

Pedro Castro de 4ºB canta, acompañado do tambor, unhas copliñas da cantiga "O cuco". Moi ben Pedro, sabemos que cantar e tocar ao mesmo tempo non é nada sinxelo. 
Tamén sabemos que estás aprendendo a tocar os instrumentos de percusión, así que se te animas con outra interpretación estaremos encantados de escoitarte.

Música dende a casa (17): "O cuco" canta Aitor Moreira de 4ºB

Aitor Moreira de 4º B foi o primeiro en animarse a cantar unhas copliñas da cantiga "O cuco", que como xa sabedes nos dedicou Xosé Iglesias Buxán. 

Moi ben Aitor, fixéchelo moi ben!!!

E os demais... a que estades agardando? Animádevos!!!

Música dende a casa (16): Canción orixinal "O cuco" versión karaoke

Para que vos sexa máis fácil aprendela déixovos a versión orixinal estreada por Suso Vaamonde, co karaoke feito polos compañeiros do CEP Pilar Maestú Sierra de A Pobra do Caramiñal. 

Así que agora xa non tendes desculpa, aprendede un anaquiño, gravádevos e enviádeo aos correos que xa sabedes mglealgonzale@gmail.com ou sequelonacasa@gmail.com.

Música dende a casa (15): Manuel Iglesias Buxán

Temos a sorte de que o profesor José Antonio coñece a Manuel Iglesias Buxán que nos dedicou esta coñecida canción. Aquí tendes a entrada que está tamén na web do cole:

Houbo un tempo en que esta canción inspirada no poema de Manuel María "O Cuco", e con melodía de Suso Vaamonde era ben coñecida polas xentes do pobo. Foi moi popular e a súa gravación en vivo nun concerto en Moaña tivo grande repercusión na nosa zona. 

Eses tempos por desgraza xa pasaron, mais Xosé que estivo presente daquela cantando e tocando no concerto, reinterpreta para nós dun xeito maxistral a canción. Non é unha estrea en todo o sentido da palabra, pero case, porque a súa axente artística que é aguda coma un allo, ao pouco de gravala mandouna á TVG con saúdo ao noso colexio e todo.

ANIMÁDEVOS E MANDÁDENOS UN VÍDEO CANTANDO UN ANAQUIÑO DESTA CANCIÓN PARA MANDARLLO AO ARTISTA.

Música dende a casa (7): Pablo Díaz

Pablo Díaz, cantante, compositor e investigador da música galega. Desde moi novo estuda e ensina materias relacionadas co baile e a música tradicional: a gaita, o clarinete, percusións variadas (tambor, bombo ou pandeireta), e a voz. 

Forma parte de varios grupos de música tradicional e folk (Donaire, Ruote, Entrecaixas e Tátara Trío), participando como músico e cantante. Colaborou tamén con Susana Seivane ou Pablo Seoane. Foi músico acompañante en contacontos da editorial Kalandraka.

Pablo é un dos intérpretes que participa no libro-CD "A nosa memoria" que recolle a tradición popular oral da nosa vila.

O profe José antonio contactou con el e deixounos esta cantiga, moi indicada para 1º e 2º cursos, a ver se a aprendedes é moi sinxela.

Música dende a casa (2): Luis Prego "Unha vella tiña un can"

Tivemos a sorte do que o profe José Antonio pudo contactar con Luís Prego.

Luís Prego leva moito tempo a ensinar baile tradicional por diferentes puntos do País pero leva aínda máis tempo a aprender dos nosos maiores aos que visitou, para que lle ensinaran puntos e xeitos do noso baile. Con toda esta sabedoría, Luís escribiu “PARA CANTAR E BAILAR” e “XOGOS MUSICAIS”, dirixiu grupos de baile como o compostelano “Brincadeira”, participou na elaboración do CD destinado ao público infantil "COPLAS DAS ESTRELAS".... E ademais de todo isto  é compoñente de grupo de folk ARDENTIA, cunha longa traxectoria ás súas costas.

Luis é, como vedes, un bo coñecedor da nosa tradición musical e para estar connosco elixiu esta coñecida canción acumulativa: "UNHA VELLA TIÑA UN CAN".

Que máis animais coñecedes e como se chaman os seus "cantos"? Animádevos a participar cos vosos comentarios ou a través do formulario de contacto! (non esquezades asinalo co voso nome).

 

Luis Prego - Unha vella tiña un can from josean paz on Vimeo.

Magosto 2016

O próximo venres día 11, San Martiño, celebraremos o magosto. Mentras agardamos o momento de comer as castañas pasaremos un bo rato participando nos xogos que nos teñen preparados as profes de Educación Física e cantando e bailando ao ritmo desta cantiga popular que nos propón o EDL.

Aquí deixamos a letra, que como podedes comprobar é moi doada de aprender e un enlace á música para que cantedes con ela.

 Clicando aquí podedes escoitala

Aproveitamos para dar as gracias ao CEIP Antonio Pedrosa Latas de Celeiro, e a súa profesora de música: Marta Pérez Lage por compartir esta cantiga e facilitarnos o traballo de buscar a música.

Concerto de percusión con Odaiko

O próximo martes 22 de xaneiro o Terceiro Ciclo iremos ao concerto para escolares do grupo de percusión galego Odaiko. Na clase xa estivemos falendo del e do tipo de música que fan. Déixovos un video do que fan e o enlace á súa páxina web para que vaides abrindo boca.

                                      
Se queredes saber máis sobre o grupo aquí vos deixo o 

enlace á súa páxina web

Panxoliñas e cantos de Nadal

Na clase estivemos cantando panxoliñas e falando dos cantos tradicionais de Nadal. Aquí tendes unha cantiga tradicional que quere ser un trabalinguas. Animádevos a cantala; a ver se sodes capaces de facelo tan rápido como Mini.

                                                      
Para que vos resulte máis fácil déixovos a letra:

Imos lever unha pouca roupiña
tres polas, dous galos, máis unha galiña,
un añiño, dúas pombas sen pel,
tres rulas ao xeito e un tarro de mel.

Ai!, meu neno,
meu rei, meu meiguiño,
non tes un albergue,
non tes un leitiño.
Sen arrimo, nas pallas estás,
Ai!, meu queridiño, que frío terás.
(BIS)