Marcha Radetzky pola Paz. Día da Paz 2019

Así celebramos este ano o Día da Paz, a ritmo da coñecida "Marcha Radetzky" de J. Strauss (pai), que acompañamos con percusións corporais ao tempo que recitamos un texto alusivo á celebración. Previo ao canto colectivo o alumnado de sexto curso leu un manifesto que eles mesmos crearon.

Marcha Radeztky pola Paz

Este ano celebraremos o Día da Paz con música clasica, ao ritmo da coñecida Marcha Radeztky de J. Strauss.

Animádevos a intentar acompañala con percusións corporais, levando o ritmo da marcha ao tempo que repetimos un texto alusivo á celebración.

Deixovos un video co que podedes aprender as percusións corporais e o texto que tendes que intentar repetir ao mesmo tempo.

Canción para o Día da Paz "O tren" de Andrés Do Barro

Este curso para celebrar o Día da Paz imos construír o "Tren da Paz" a carón do río Lameira, é nada mellor que unha coñecida canción galega que fala de trens e ríos "O tren" do interpréte Andrés Do Barro.

Partindo desta coñecida, noutro tempo, canción; entre o alumnado de 5º e 6º  intentaremos facer unha letra axeitada ao noso río e á celebración da data.

Aquí vos queda a versión orixinal, cantada polo devandito intérprete, que ademais foi banda sonora dunha película dirixida por Mariano Ozores en 1971 e protagonizada tamén polo cantante, titulada "En la red de mi canción".

Concerto "Paxaro amigo. Músicas para a paz"

Despois de varios aprazamentos por circunstancias diversas, por fin o pasado día 4 puidemos asistir no auditorio de Afundación ao concerto de Mamá Cabra "Paxaro amigo. Músicas para a paz", e ben valeu a pena agardar porque o pasamos así de ben.

Aquí vos queda un pequeno resumo de como foi, para que non vos esquezades do importante que é que todos poñamos un pouquiño da nosa parte para conseguir VIVIR EN PAZ.

Día da Paz. "Sementado a Paz"

Como cada ano o próximo día 30 de xaneiro celebraremos o "Día da Paz", este ano co lema "Sementado a Paz", en alusión ao PDI "Terra adentro" que estamos traballando este ano. Clicando sobre a imaxe teredes acceso a web do centro onde atoparedes a versión da coñecida cantiga  de Fuxan os Ventos "Sementar sementarei", que fixo o alumnado de sexto e que cantaremos todos. 

Tamén vos deixo a cantiga orixinal do grupo Fuxan os Ventos, do álbum "Sementeira" publicado en 1978.

Día da Paz "Peixiños do mar"

Entre as propostas do EDL para celebrar o Día da Paz está a cantiga "Peixiños do mar" que xa estades a traballar nas vosas clases; polo que na clase de música imos coñecer a versión do cantante brasileiro Milton Nascimento. Fixádevos nos instrumentos de percusión que se utilizan.

 

Aproveitaremos para coñecer un pouco da vida e obra deste importante cantautor brasileiro, está é a dirección da súa web

http://www.miltonnascimento.com.br/site/ 

Día da Paz 2015. "Apertas que voan"

Xa temos canción para celebrar o Día da Paz escolar, que se celebra, como cada ano, o día 30 de xaneiro. A proposta do Equipo de Normalización e Dinamización Lingüística "Apertas que voan" do músico e actor galego Paco Nogueiras, formando parte do disco "Brinca Vai!".

Día da Paz 2014

Como cada ano o día 30 de xaneiro celebraremos o DÍA DA PAZ. A canción coa que remataremos este ano o acto cantando todos xuntos é "Verdad que sería estupendo", do grupo Cómplices.

Día da Paz 2013

Nada mellor para celebrar o Día da Paz que a música.
Ademáis da canción "All you need is love", tamén cantaremos a "Rumba das apertas" 

Se a queredes escoitar e aprender ahí a tendes.

Día da Paz 2013

Como cada ano celebraremos o próximo 30 de xaneiro o Día da Paz, dentro das moitas actividades que faremos cantaremos esta coñecida canción "All you need is love" do grupo "The Beatles"

Unha canción histórica, xa que se estreou o 25 de xunio de 1967 en directo diante de 400 millóns de telespectadores de 26 paises distintos; foi a primeira emisión internacional por televisión vía satélite.

Ahí tendes tamén aquela primeira interpretación.

Celebración do Día da Paz 2012

Fotos do alumnado do CEP Sequelo mentres cantaban a canción "Eu quero apenas".

Día da Paz 2012

Eu quero ter un millón de amigos

DÍA DA PAZ

3O XANEIRO 2012

Día da Paz. 30 xaneiro 2012

Atrévete a cantar en portugués aproveitando que é o día da Paz escolar. Non é moi diferente do galego.

A PAZ SÓ TEN UN IDIOMA, FALÉMOLO TODOS.