Xa chegou o Nadal 2022. A bailar un pouco

Ademáis de cantar e tocar tamén e unha boa ocasión para bailar.

Imos intentalo con esta selección de cancións de Nadal. Algunhas son moi faciliñas e outra un pouco máis complicadas, pero iso non é impedimento para intentalo e pasalo ben.

Así que ánimo,  agora todos a bailar!!! 

 

🎄🎅 Clicando neste enlace aínda podedes atopar máis🎄🎅

Xa chegou o Nadal 1º, 2º

En segundo estivemos repasando as figuras rítmicas que nos quedaran un pouco olvidadas do curso pasado, e en primeiro estamos empezando a coñecelas. Así que imos a practicar ritmos con música de Nadal.

Xa chegou o Nadal 3º, 4º

En terceiro e cuarto estivemos repasando ritmos que xa coñeciamos de cursos pasados e aprendendo outros un pouco máis difíciles , así que imos acompañar estas melodías navideñas con eles. 

Se vos animades podedes tamén intentar as propostas feitas para 5º e 6º.

Xa chegou o Nadal 5º, 6º

Recordades que estivemos probado a aplicación online "Xylo", coa que podiamos converter o noso portátil, tablet, teléfono nun xilófono? Pois imos probar outra vez a acompañar estas tres melodías navideñas cos nosos xilófonos. 

 

 

Se queredes probar máis visitade a páxina BOOMY TUNES

Xa chegou o Nadal 2021

Parece que empezamos onte e a pesar de todas as dificultades deste curso xa temos aquí o Nadal, así que imos aló con música propia destas datas. 

Xa que non podemos cantar pois a tocar!!!

Xa chegou o Nadal: "Probemos a tocar as culleres "

Para os que queiran practicar cun instrumento que temos todos nas nosas casas: as culleres, aquí vos deixo un vídeo explicativo de como tocalas e outra melodía típica navideña "Sleigh ride" ("Paseo en trineo") do compositor Leroy Anderson, para que intentedes acompañala con culleres.

 

E se aínda queredes máis, pois imos a entrar en calor, percusión corporal utilizando todas as partes do corpo que fan sonido. As ventás aínda teñen que estar abertas, pero nós imos entrar en calor!!!

 

Cantar, tocar, bailar en Nadal

Déixovos esta colección de enlaces na que podedes atopar ademais das panxoliñas que estivemos traballando na clase, moitas máis; así como outro tipo de música e cancións propias destas datas; por se queredes tocar, cantar ou bailar no Nadal.

Navidad, by megoleal

Nadal. Un pouco de todo

Déixovos este recopilatorio de enlaces tic para traballar "O Nadal" realizado polo blog "La Eduteca" do compañeiro Óscar Alonso. Nel podedes atopar xogos de vocabulario, enlaces para repasar inglés, contos, panxoliñas, xeradores de tarxetas de Nadal, webs interactivas para interactuar cos Reis Magos e Papá Noel... Clicade na foto e probade xa verdes que ben o pasades.

Danza Festival Nadal 2015

Aínda que todos os cursos traballamos na clase a danza tradicional xermana "Ku Tschi Tschi", formando parte dunha tarefa interdiscisplinar na que interviron as áreas de Inglés, Educación  Física e Música; tocóulles aos nenos e nenas de cuarto curso representala no Festival de Nadal, quedando así de animada e provocando o entusiasmo do público.

Danza de Nadal "Ku Tschi Tschi"

Este Nadal estivemos traballando unha danza tradicional xermana "Ku Tschi Tschi"; á que fixemos varios cambios para que a puideran bailar todos os cursos. Aquí déixovos unha mostra do ben que o pasamos bailando.

Actividades Nadal 2015

Danza "Jingle Bells"

Xa se achega o Nadal, este ano ademais das acostumadas panxoliñas propoñémosvos bailar ao ritmo desta coñecida canción estadounidense. Sobre a que traballaremos conxuntamente, con diversas actividades, as áreas de Inglés, Educación Física e Música.

  Aproveitamos para dar as gracias á profesora Begoña Rodríguez quen no seu blog "Danzas del Mundo" pon a nosa disposición a coreografía e o audio.

Selección de panxoliñas con letra

Aquí vos deixo outra selección de panxoliñas tradicionais, estas en galego e coa letra por se as queredes cantar.

O video é unha lista de reprodución, se clicades na esquina superior esquerda podedes escoller a que queirades.

Panxoliñas populares

Na clase de música estivemos falando estes días das panxoliñas populares. Aquí vos deixo unha pequena selección por se queredes aprender algunhas máis.

Panxoliñas e cantos de Nadal

Na clase estivemos cantando panxoliñas e falando dos cantos tradicionais de Nadal. Aquí tendes unha cantiga tradicional que quere ser un trabalinguas. Animádevos a cantala; a ver se sodes capaces de facelo tan rápido como Mini.

                                                      
Para que vos resulte máis fácil déixovos a letra:

Imos lever unha pouca roupiña
tres polas, dous galos, máis unha galiña,
un añiño, dúas pombas sen pel,
tres rulas ao xeito e un tarro de mel.

Ai!, meu neno,
meu rei, meu meiguiño,
non tes un albergue,
non tes un leitiño.
Sen arrimo, nas pallas estás,
Ai!, meu queridiño, que frío terás.
(BIS)

Panxoliña de Papá Noel

Na clase cantámola en castelán, agora tamén podédela aprender en galego. Bo Nadal.

Deséxovos Bo Nadal con esta canción de José Luis Perales